Sjóræningjasúpa með hakki

Þessi súpa er alltaf góð og ekki skemmir að elda góðan skammt og eiga afgang

Hráefnið

• 5 kartöflur, flysjaðar og skornar í bita
• ½ – 1 sæt kartafla, flysjuð og skorin í bita
• 1 laukur, saxaður smátt
• 2-3 hvítlauksrif, söxuð smátt
• ólífuolía
• 1,5 lítrar nautakraftur (eða vatn og kjötkraftur)
• 1 gul paprika, skorin í bita
• 1 rauð paprika, skorin í bita
• 3 gulrætur
• 500-600 g hakk
• 2-3 dl tómatasósa (eða t.d. Jamie Oliver tómat/basiliku pastasósu, 1 krukka)
• 1 tsk cumin
• 2 tsk paprikuduft
• 2 tsk oregano
• salt og pipar
• 1-2 tsk sambal oelek eða annað chilimauk (mjög sterkt!)
• Sýrður rjómi

Aðferðin

• Laukur og hvítlaukur er steiktur upp úr olíu í stórum potti þar til laukurinn er orðin mjúkur. 
• Þá er hakkinu bætt út í og það steikt. 
• Því næst er paprikunni og gulrætunum bætt út í ásamt tómatsósunni og kryddunum. 
• Svo er nautakraftinum bætt út í. 
• Suðan er látin koma upp og þá er kartöflubitarnir og sætu kartöflubitarnir settir út í og súpan látin malla í ca. 15 mínútur eða þar til kartöflurnar eru soðnar. 
• Súpan er smökkuð til með salti, pipar, sambal oelek og fleiri kryddum ef þarf.

Framsetning

• Súpan er borin fram með sýrðum rjóma.